Arbëri

Falënderim UNICEF-it për ndihmën e dhënë gjatë luftës

Kryetari i Kuvendit të Republikës së Kosovës, Kadri Veseli, priti sot në takim Drejtoreshën Regjionale të UNICEF-it për Evropë dhe Azi Qendrore, Afshan Khan.

Në takim i diskutua për rolin që UNICEF-i ka luajtur dhe luan botë, në mbrojtjen e fëmijëve dhe përmirësimit të kushteve të jetesës për ta.

Veseli falënderoi drejtoreshën Afshan Khan për kontributin që UNICEF-i ka dhënë për fëmijët e Kosovës gjatë luftës dhe pas saj.

Ai e njoftoi udhëheqësen e UNICEF-it për angazhimin e Kuvendit në hartimin e bazës ligjore në mbrojtjen dhe sigurimin e qasjes së fëmijëve pa dallim, në të gjitha shërbimet e nevojshme për ta.

Drejtoresha Regjionale e UNICEF-it për Evropë dhe Azi Qendrore, Afshan Khan foli për angazhimet e UNICEF-it në vende të ndryshme të botës dhe veçanërisht në Kosovë, për të siguruar të drejtat e fëmijëve të çdo komuniteti.​