Haradinaj: Prekazi bashkon shumë histori për shqiptarët

Haradinaj: Prekazi bashkon shumë histori për shqiptarët

12 maj 2018 14:37

“Rezistenca dhe lufta heroike e Tahir dhe Nebih Mehës tregoi se shqiptarët nuk do të frikësohen më para regjimit të atëhershëm që burgoste dhe maltretonte rininë e Kosovës”.

Kështu tha kryeministri i Republikës së Kosovës, Ramush Haradinaj, pas homazheve te varri i Tahir dhe Nebih Mehës, në 37 vjetorin e rënies.

Kryeministri Haradinaj tha se Prekazi bashkon shumë histori për shqiptarët.

“Edhe më herët ishte Ahmet Delia, tani është Tahiri e Nebihi, por ai që vërtet na nderon gjithë neve si komb është komandanti legjendar Adem Jashari, familja Jashari”, tha kryeministri Haradinaj.

Kryetari i Komunës së Skënderajt, Bekim Jashari tha se është obligim i të gjithë neve t'i nderojmë dhe respektojmë heronjtë dhe dëshmorët tanë. Ai tha se rënia e tyre 37 vjet më parë i ka motivuar të rinjtë dhe të rejat se si duhet atdheu.

Ilir Meha, nipi i Tahir Mehës, falënderoj kryeministrin Haradinaj për ardhjen në Prekaz, për të nderuar gjakun e derdhur për liri të heronjve të parë të luftës së Shaban Polluzhës.

Kryeministri Haradinaj vizitoi edhe themelet e Kullës së Rezistencës së Tahir e Nebih Mehës dhe Kullën e familjes Meha dhe në shenjë mirënjohje i dhuroi flamurin kombëtar nipit të Tahirit, Ilir Mehës.

© KOHA. Të gjitha të drejtat janë të rezervuara.

Komentet

naimi14/05/2018 10:08

Mjaft më me keto pallavra patriotike sepse jeni bere edhe banal nese don me dite mete vertet,po ma qoni gerdin. Merr me ate detyre qe e ke e lere patriotizmin banal.

Shto koment

Të ngjashme