Beogradi shkarkoi Adem Hoxhën nga posti i kryetarit të “komunës” Gora

Beogradi shkarkoi Adem Hoxhën nga posti i kryetarit të “komunës” Gora

11 maj 2018 09:16

Qeveria e Serbisë në mbledhjen e djeshme e ka shkarkuar Adem Hoxhën nga posti i kryetarit të, siç e quan gazeta serbe ”politika”, organit të përkohshëm, të Komunës së Gorës në Kosovë.

Hoxha, sipas kësaj gazete, në krye të këtij administrimi lokal që funksionon në kuadër të sistemit të Serbisë, është vënë në vitin 2013.

Shkarkimin e tij, transmeton Koha.net, e ka konfirmuar Zyra për Kosovën në qeverinë e Serbisë me iniciativën e të cilës është shkarkuar kryetari i komunës më në jug të Kosovës. Në këtë zyrë është thënë se në periudhën e ardhshme do të tregohet se kush do ta zëvendësojë Hoxhën në këtë post.

Hoxha, deputet i Partisë së Bashkuar Gorane në Kuvendin e Kosovës, sipas “politikes”, nga goranët që janë luajalë ndaj shtetit të Serbisë, ka kohë që akuzohet se “punon në dëm të tyre si dhe në dëm të Beogradit”.

Hapi i fundit i tillë i Hoxhës, sipas kësaj gazete, ka qenë ai kur me vetë iniciativë në festën tradicionale të Shën Gjergjit në Gorë kishte ftuar dhe i kishte gostitur në Gorë përfaqësues të lartë të Kosovës.

Haradinaj në Brod premtoi komunë për goranët

© KOHA. Të gjitha të drejtat janë të rezervuara.

Komentet

Gjergji11/05/2018 16:10

Ma mire mos me pase shtet se kesi cirku: "....administrimi lokal që funksionon në kuadër të sistemit të Serbisë,..." dhe ate ne pjesen e Kosoves qe fizikisht eshte me se largu nga Serbia!

Shto koment

Të ngjashme