AKR-ja e Behgjet Pacollit nuk do të mund të ndalë shkarkimin e Flamur Sefajt nga pozita e ministrit të Punëve të Brendshme.
Siç merr vesh KTV-ja nga burimet brenda kësaj partie, Sefaj nuk do ta ketë përkrahjen e partisë dhe gjithsesi do të shkarkohet.
Kjo parti është mbledhur për të diskutuar për kërkesën e kryeministrit që Flamur Sefaj të lirojë postin e ministrit të Brendshëm, pas skandalit të arrestimit dhe më pas deportimit të 6 shtetasve turq javën që shkoi.
Në këtë takim nuk mori fare pjesë Flamur Sefaj, ani pse kjo mbledhje e partisë ishte thirrur për të diskutuar për punën e ministrave të AKR-së.
Një ditë pas arrestimit dhe dëbimit të 6 shtetasve turq në Turqi, kryeministri Haradinaj ka kërkuar që ministri Flamur Sefaj dhe drejtori i AKI-së, Driton Gashi, t’i lirojnë pozitat e tyre.
Asnjëri nga ta nuk është deklaruar ende për kërkesën e kryeministrit të Kosovës.
-
2 prill 2018 19:06
-
Shpërndaje në: