Ligjëruesit në Universitetin e Prishtinës janë pajisur me kartela elektronike.
Secili profesor, kur të shkojë në ligjërata, fillimisht do të evidentojë praninë e tij përmes këtij sistemi elektronik, raporton KTV.
Kjo është mirëpritur nga mësimdhënësit, të cilët besojnë se kjo gjë do të ndikojë në cilësi.
Pilot-projekti i sistemit elektronik për mbikëqyrjen e mbarëvajtjes së procesit mësimor ka nisur të zbatohet që nga muaji shkurt.
Njohësit e çështjeve të arsimit, në anën tjetër, e shohin pozitive këtë mënyrë të monitorimit.
Por presin që një mekanizëm i tillë të ndikojë në ngritjen e prezencës së profesorëve dhe ndëshkimin e tyre në rast se mungojnë në ligjërata.
Përmes këtij sistemi elektronik, synohet të mbikëqyret edhe pjesëmarrja e studentëve në ligjërata.
Fillimisht sistemi është duke u testuar vetëm në vitet e para në fakultetet e UP-së.
-
1 prill 2018 20:24
-
Shpërndaje në: