Arbëri

14 zyrat “kot” të Pallatit të Drejtësisë

Bosh, pa dritare e shpeshherë edhe pa ajër. Një tepih i shtruar rreth më rreth dhe një dritë artificiale që ndizet vetëm kur ka “vizitorë”.

Tre më tre janë dimensionet e 14 zyrave të Pallatit të Drejtësisë, mbi të cilat është vënë mbishkrimi “Dhoma e avokatëve”. Të gjitha janë të ngjitura me sallat e gjykimeve, shkruan Koha Ditore.

Mirëpo, qëkur ka filluar së funksionuari Pallati para tre vjetësh, këto zyra krejtësisht janë “injoruar”. Kanë mbetur të pashfrytëzuara e të papajisura me inventar.

Bunkerë, dhoma burgu e dhoma tualeti duken në “syrin” e avokatëve. Të papërshtatshme për punë, por gjithsesi të nevojshme. Avokatët presin ditën kur nuk do të sorollaten korridoreve të gjykatës. Ditën kur do të mundë ta kryejnë punën si palë të barabarta me gjyqtarë e prokurorë.

“Me aq hapësirë sa kanë ato zyra, veç ‘mantelin’ mund ta vendosim. Sipërfaqja e tyre është sa e një ‘tualeti’. Lëre më që edhe ashtu nuk janë fare të pajisura me tavolina, karrige, kompjuterë e kështu me radhë. Mjete këto të domosdoshme për një zyrë sot”, thotë avokati Bajram Tmava... (Më gjerësisht lexoni në Koha Ditore)