Ratifikimin e marrëveshjes për demarkacionin me Malin e Zi në Kuvendin e Kosovës, e ka përshëndetur edhe kryeministri shqiptar, Edi Rama.

Ai ka thënë se kjo votë është e vonuar, por është kuptimplote për Kosovën si shtet që dëshmon seriozitet në angazhimet e veta.

“Tani Bashkimi Evropian t’i përmbahet pa vonesë angazhimit të vet: Liri lëvizjeje pa viza në Evropë për qytetarët e Kosovës”, ka shkruar Rama në Facebook.