Presidenti i Kosovës, Hashim Thaçi është shprehur i lumtur që prindërit e tij e kanë bërë ndarjen e pronës në mënyrë të barabartë për të gjithë fëmijët.

Thaçi, pasi mori pjesë në konferencën "Të drejtat pronësore të grave në Kosovë, trashëgimia dhe barazia para ligjit”, të organizuar nga Ambasada e Francës dhe OSBE-ja, tha se prona e familjes së tij është ndarë njësojë me vëllezërit dhe motrat e tij.

“Jam i lumtur me vendimin e prindërve të mi që në ndarjen e pronave të familjes, sado modeste që janë, t’i përfshijnë njësoj edhe bijat edhe bijtë e tyre, motrat dhe vëllezërit e mi. U jam mirënjohës përjetë prindërve të mi”, ka shkruar Thaçi në Facebook.