Ismet Beqiri, sekretar i përgjithshëm i LDK-së dhe deputet i Kuvendit të Kosovës, ka reaguar për shtyrjen e seancës solemne për shënimin e dhjetë të vjetorit të Pavarësisë.

Ai thotë se një gjë e tillë është absurde dhe e papranueshme, transmeton Koha.net.

Aktivitet e Pavarësisë shtyhen për të dielën

“Posa u informova nga zyrtarët e Kuvendit,poashtu lexova edhe në faqen zyrtare të Kuvendit, seanca solemne për shënimin e 10 vjetorit të shpalljes së Pavarësisë mbahet më 18 shkurt në ora 12:00. Ky është një absurd i llojit të vet, nuk ka kuptim, për mua është e papranueshme të shtyhet ditëlindja e Republikës së Kosovës. Nuk më intereson fare çfarë arsyetimi mund ta ketë ai ose ata që e kanë bërë këtë veprim absurd. Nëse seanca nuk mbahet më 17 shkurt, atëherëë sipas kësaj logjike 10 vjetori mund të shënohet cilëndo ditë brenda këtij viti. Kjo është non sens”, ka shkruar Beqiri.

Ai më tutje ka shtuar, “vërtetë a kanë pikë të ndërgjegjes dhe përgjegjësisë bartësit e institucioneve tona, në këtë rast të Kuvendit të Kosovës”.