Arbëri

Dita botërore e punës sociale

Me rastin e Ditës botërore të punës sociale, sot Departamenti i Punës Sociale në Universitetin e Prishtinës organizon “Program për shënimin e Ditës Botërore të Punës Sociale 2017 në Kosovë”.

Programi do të përmbajë konferencë për shtyp, panel dhe diskutim në temën “Rruga drejt dinjitetit dhe vlerës së njeriut: Drejtësia sociale dhe qëndrueshmëria”, ligjëratë në “Krizën e refugjatëve”, si dhe përurimin e Bibliotekës së punës sociale, shkruan kp.

Në këtë ngjarje do të marrin pjesë personalitete të dalluara vendore dhe ndërkombëtare: Julie Watkins – përfaqësuese e Rrjetit të Lidershipit Akademik të Grave të Evropës Juglindore, Annamaria Campanini – Presidente e Asociacionit Ndërkombëtar të Shkollave të Punës Sociale, Vasilios Ioakimidis - Zëvendës-President i Asociacionit Evropian të Shkollave të Punës Sociale, Darja Zavirshek – Presidente e Asociacionit nën-regjional të Evropës Lindore të Shkollave të Punës Sociale, Vjollca Krasniqi, profesore e sociologjisë, Igballe Rogova, Rrjeti i Grave të Kosovës, Hilmi Jashari, Avokat i Popullit.