Arbëri

Kosova e Sllovakia biseduan për bashkëpunim kundër krimit të organizuar

Ministri i Punëve të Brendshme, Flamur Sefaj, priti sot udhëheqësin e Misionit të Zyrës Ndërlidhëse të Republikës së Sllovakisë, Ljubomir Batary.

Bëhet e ditur se në këtë takim u bisedua lidhur me çështjen e sigurisë në Republikën e Kosovës dhe bashkëpunimin policor në mes të dyja vendeve.

Ministri Sefaj kërkoi nga z. Batary që pavarësisht statusit diplomatik në mes të dyjave vendeve, është shumë e rëndësishme që të koordinohen veprimet institucionale sa i përket luftimit të krimit të organizuar, pasi që grupet kriminale nuk kanë barriera kufitare të bashkëpunimit.