Arbëri

Vllasi tregon si reagoi gjatë sulmit dhe pse u bë ai

Avokati Azem Vllasi, i plagosur një ditë më parë, beson se tentim-vrasja kundër tij ishte politike.

Ai sot është liruar nga spitali pasi mjekët ia hoqën plumbin nga kraharori.

Një ditë pas sulmit kundër tij me armë zjarri, thotë se është i bindur se tentim-vrasja kundër tij ka prapavijë politike.

Vllasi, për transmetuesin publik ka thënë se falë reagimit të tij dora e sulmuesit është devijuar duke bërë që plumbi ta godasë në krahun e majtë.

I plagosur thotë se vetë ka njoftuar policinë porse ka kërkuar ndihmë edhe nga banorët përreth që ta identifikojnë vrasësin.

Thotë se motivet janë kryekëput politike ngase personale nuk ka asgjë me askënd.

“Ky është një akt i porositur dhe nuk është akt individual. Sipas vlerësimit tim kemi të bëjmë me mercenarë të paguar të armiqve të Kosovës dhe popullit shqiptar”, theksoi Vllasi.