Lansohet brendimi i 7 produkteve të “Fruttit”, Haradinaj favorizon industrinë ushqimore

Lansohet brendimi i 7 produkteve të “Fruttit”, Haradinaj favorizon industrinë ushqimore

30 tetor 2017 14:57

Kryeministri i Republikës së Kosovës, Ramush Haradinaj ka marrë sot pjesë në lansimin e ri brendimit të shtatë produkteve të Fabrikës “Frutti”, me ç ‘rast përgëzoi për punën dhe përkushtimin e kësaj kompanie.

Kryeministri Haradinaj tha se industria e ushqimit në Kosovë duhet të jetë baza e ekonomisë sonë, duke cilësuar të domosdoshëm garancat në sigurinë e ushqimit.

Kryeministri theksoi nevojën e prodhimit të koncentrateve që përdoren për lëngjet, duke theksuar se kjo ka ndodhur në të kaluarën në vendin tonë. Ai u shpreh i bindur se ky kapacitet mund të sjellë nesër një kooperim me ata që janë në prodhim dhe shprehu përkushtimin e Qeverisë për përkrahjen e prodhuesve vendorë që në hapat e tyre të parë e deri tek produkti.

“Ju e dini që ne kemi hequr disa taksa dhe akciza posa kemi ardhur në krye të Qeverisë dhe kështu do të vazhdojmë të jemi afër jush, por po ashtu do të vazhdojmë të jemi edhe afër atyre që nesër do të prodhojnë lëndën e parë”, theksoi kryeministri Haradinaj.

Zëvendëskryeministri dhe ministri i Punëve të Jashtme, Behgjet Pacolli, ka kërkuar që prodhuesit të vazhdojnë të bëjnë produkte që janë konkurrente me kompani globale.

“Vendimi i ri brendimit ka qenë i drejtë. Sot është një prodhim që e sfidon çdo kompani globale dhe ka shanse që ky prodhim praktikisht të gjendet edhe në tavolinat më të sofistikuara evropiane. Duhet të jemi sa më kreativ në vend, të bëjmë prodhime cilësore dhe gjithmonë të jenë në trend me kohën” theksoi ai.

Drejtoresha ekzekutive e kompanisë, Rina Malsori, potencoi se dizajni i ri dhe sidomos qelqi, përmbush të gjitha standardet e cilësisë.

“Ky format i qelqit përmbush të gjitha standardet e cilësisë, me dizajn ndryshe duke u përshtatur me trendin e kohës dhe me cilësi”, theksoi ajo.

Duke qenë si njëri nga tatimpaguesit e rregullt, Besim Malsori, pronar i kompanisë, kërkoi që të punohet më shumë, të gjithë së bashku, prodhues dhe qeveri, në mënyrë që të fillohet të mbushet buxheti nga brenda, dhe jo nga jashtë.

Image

© KOHA. Të gjitha të drejtat janë të rezervuara.

Komentet

Arsim31/10/2017 15:10

Nuk e kuptoj se si kryeministri i vendit merr pjese ne ribrendimin dhe promovimin e nje produkti qe eshte shume i demshem ku perberja eshte nga koncentrati dhe sasi tejet e larte e sheqerit. Eshte po ashtu shqetesuese se nje drejtoreshe ekzekutive fokusohet ne pakon e produktit e jo ne vet produktin. Perderisa bota e zhvilluar kan fillu te departojne nga produktet e koncentratit, Kosova fokusohet edhe me teper, bile bile kryeministri thot me stimulu permes lehtesimit te tatimeve.

Shto koment

Të ngjashme