Arbëri

Pas kërkesës së Mustafës, Thaçi zyrtarisht i kërkon Qeverisë mbështetje për Houstonin

Presidenti i Kosovës, Hashim Thaçi, edhe zyrtarisht i ka dërguar shkresën kryeministrit të Kosovës, Isa Mustafa për të mbështetur qytetarët e Houston të SHBA-ve, pas përmbytjeve të nxitura nga uragani Harvey.

Lexoni edhe: 

Thaçi kërkon nga Qeveria të ndajë 100 mijë dollarë për të prekurit nga uragani Harvey në SHBA

Në shkresën drejtua kryeministrit, presidenti Thaçi ka kërkuar që Qeveria e Kosovës t’i ndaj së paku 100 mijë dollarë për qytetarët e prekur nga uragani në Houston.

Lexoni edhe: 

Mustafa e kundërshton mënyrën e kërkesës së Thaçit për ndihmë SHBA-së pas përmbytjeve

Kjo është shkresa e plotë e presidentit Thaçi drejtuar kryeministrit, Isa Mustafa:

“I nderuari Kryeministër i Republikës së Kosovës, Z. Mustafa,

Duke njohur përkrahjen e madhe që ka dhënë dhe po japin Shtetet e Bashkuara të Amerikës në lirinë dhe në ndërtimin e shtetit të Kosovës,

Duke marrë parasysh shpirtin solidar të popullit të Kosovës, që nuk harron kurrë ndihmën e popullit amerikan për Kosovën,

Duke ndjerë shqetësimet e qytetarëve të Republikës së Kosovës, të ndara me shqetësimet dhe zhvillimet në Hjuston, pas reshjeve dhe përmbytjeve masive të shkaktuara nga uragani Harvey,

I bëj thirrje dhe kërkoj nga Qeveria e Republikës së Kosovës të marrë vendim urgjent për ndarjen e së paku njëqindmijë dollarëve amerikanë (100.000 US$), në ndihmë të familjeve amerikane të prekura nga kjo katastrofë. Jam i vetëdijshëm që kjo shumë është simbolike, por ne, si një shtet i ri, por me një traditë shekullore të solidaritetit, gjithmonë kemi ndihmuar me aq sa kemi pasur mundësi.

I nderuari Z. Mustafa,

Jam i bindur që Qeveria e Republikës së Kosovës, të cilën Ju e udhëhiqni, në një kohë sa me të shpejtë, do të bëjë ndarjen e kësaj shume simbolike financiare si dëshmi e solidaritet të qytetarëve të Republikës së Kosovës me qytetarët e Hjustonit”.

Image