Arbëri

Mikullovci tregon se çfarë do të bëjë rreth seancës në të ardhmen

Adem Mikullovci, deputeti më i moshuar i legjislaturës së VI, për çka i takon kryesimi i seancës konstitutive të Kuvendit, i ka thënë KTV-së se nuk e ka ndërmend të thërrasë më vazhdim të seancës pa një marrëveshje paraprake.

“Nëse më thërret Sekretaria e Kuvendit e më thotë se PAN-i po kërkon seancë, sepse i ka votat për zgjedhjen e kryetarit, atëherë unë do ta thërras seancën, por pa asnjë marrëveshje, unë nuk do të thërras seancë”, ka thënë Mikullovci, derisa ka shtuar se po pret edhe një tjetër gjë.

“Po pres që të merren vesh edhe VV-ja e LDK-ja, e të shohim si të veprojmë”, ka thënë Mikullovci.

Deputeti i Vetëvendosjes ka pasur akuza të rënda për PAN-in.

“Loja e PAN-it është një lojë e ndytë. Të gjitha resurset shtetërore janë ndalë, është stopuar shteti e ata luajnë”, ka thënë Mikullovci.