Arbëri

Në Maqedoni ka nisur debati rreth përdorimit të gjuhës shqipe

Qeveria e Republikës së Maqedonisë në seancën e 18-të e ka hapur debatin për miratimin e Propozim-ligjit për përdorimin e gjuhëve, kumtoi sot qendra mediale e Qeverisë.

Në diskutimin e parë, siç transmeton INA, është theksuar se është i nevojshëm koordinimi i mëtejshëm, me qëllim për të arritur mënyrën e zbatimit të zgjidhjes së Ligjit për përdorimin e gjuhëve, gjegjësisht të vërtetojnë kompetencat të cilat dalin nga ligji, duke u bazuar në dy organet të cilët janë formuar: Agjencia për pranimin e gjuhëve, si dhe Inspektoriati për përdorimin e gjuhëve”, thuhet në kumtesën qeveritare.

Po ashtu në kumtesë thuhet se Propozim-ligji për përdorimin e gjuhëve pas konfirmimit nga jashtë, do të vendoset përsëri në agjendën ditore të ndonjë seance të ardhshme kuvendore, njofton AIM.

Ligji për përodorimin e gjuhëve pritet të miratohet para zgjedhjeve lokale, duke u bazuar në deklaratat e kryeministrit Zoran Zaev dhe zv.kryeministrit Bujar Osmani.