Java e ardhshme parashihet të jetë me kushte të qëndrueshme meteorologjike, ka njoftuar të dielën Instituti Hidrometeorologjik i Kosovës.

Kjo si pasojë e masave të ajrit me presion të rritur atmosferik.

“Do të ketë orë më shumë me diell se java e fundit. Sa i përket temperaturave, shënojnë ulje në një shifrorë”, thuhet në njoftimin e IHMK-së.

Temperaturat minimale do të lëvizin ndërmjet 7-13 gradë Celsius, ndërsa maksimalet e ditës parashihen të lëvizin ndërmjet 21-29 gradë Celsius.

Do të fryjë erë e lehtë deri mesatare nga drejtimi i verilindjes dhe juglindjes.