Ministria e Shëndetësisë ka informuar mbi situatën me COVID-19 në Shqipëri gjatë 24 orëve të fundit, ku në krahasim me ditët e tjera kanë rënë infektimet ndërsa ka pasur një humbje jete.

Nga 1173 testime kanë rezultuar 459 persona të infektuar dhe janë shëruar 241 persona duke e çuar numrin e të shëruarve në 314.812 që nga fillimi i epidemisë.

Më së shumti raste të reja në 24 orët e fundit janë konfirmuar në Tiranë – 206. Janë 3.421 qytetarë aktivë me COVID-19 në të gjithë vendin.

Aktualisht në spitalin COVID3 po marrin trajtim 25 pacientë. Në 24 orët e fundit ka një humbje jete me Sars-Cov2: një qytetare nga Tirana 73-vjeçare.

Shqipëria deri më sot ka regjistruar 321.804 raste pozitive, prej tyre 314.812 janë shëruar, 3.421 janë aktive, ndërsa betejën me sëmundjen e rrezikshme e kanë humbur 3.571 pacientë.