Arbëri

Tre të vdekur nga COVID-19 në Shqipëri të dielën

Në Shqipëri gjatë 24 orëve të fundit janë regjistruar tri raste me fatalitet si pasojë e COVID-19.

Dy viktima janë nga Tirana të moshave 61 dhe 65-vjeçare, ndërsa një nga Lezha e moshës 83-vjeçare.

Ndërkohë gjatë 24 orëve të fundit janë regjistruar 538 raste pozitive nga testimi i 1318 mostrave.

Janë shëruar 657 qytetarë, ndërsa janë 7549 raste aktive.

Që nga fillimi i pandemisë në Shqipëri janë regjistruar 317.514 raste me COVID-19, ndërsa prej tyre 3563 kanë përfunduar me fatalitet. Janë shëruar 306.402 qytetarë.