Arbëri

Bugajski: Kosova kundër imperializmit rus

Janusz Bugajski

Njohësi i çështjeve të Ballkanit Perëndimor Janusz Bugajski ka komentuar arrestimin dhe shpalljen non-grata nga Kosova të ruses Daria Aslamova, që nga shumë vende shihet si spiune.

Në një postim në Twitter ka shkruar se ndryshe nga Kosova, Serbia është në vijën e parë për imperializmin rus.

“Kosova në vijën e parë kundër imperializmit rus, Serbia në vijën e parë për imperializmin rus”, ka shkruar Bugajski.

Ministri i Punëve të Brendshme, Xhelal Sveçla ka shpallur person të padëshirueshëm Daria Asmalovan, duke ia ndaluar hyrjen për pesë vjet në territorin e Kosovës.

Aslamova (52) është korrespondente speciale e së përditshmes ruse Komsomolskaya Pravda, e njohur për qëndrime pro-Moskës zyrtare. Ajo ka punuar edhe në Ukrainë si korrespondente lufte për kanalin që përhap propagandë ruse - Tsargrad.