Ish-kryeministri i Kosovës, Ramush Haradinaj, ka akuzuar qeverinë aktuale për dëmtim të sektorit të arsimit me mbi 31 milionë euro.

Sipas Haradinajt, Qeveria Kurti ka treguar papërgjegjësi.

“Më herët kemi paraqitur dëmin e shkaktuar ndaj policëve, shërbyesve civil dhe personelit shëndetësor, për shkak të neglizhencës së qeverisë. Por, dëmi më i madh nga papërgjegjësia e Qeverisë Kurti i është shkaktuar sektorit të Arsimit. Mësimdhënësit, edukatorët, pedagogët, bibliotekistët, administrata e udhëheqja e sektorit arsimor, janë goditur rëndë nga Kurti, e vlera e dëmit të shkaktuar është mbi 31 milionë euro”, ka shkruar ai të enjten në Facebook.

Haradinaj ka shtuar se aprovimi i Ligjit të Pagave është domosdoshmëri.

Më herët ai ka shkruar edhe për zjarrfikësit.