Kongresisti amerikan, Ritchie Torres, e ka përgëzuar të enjten Kosovën për nënshkrimin e marrëveshjes me MCC-në për energjinë, përmes së cilës vendi përfiton grant prej 202 milionë dollarësh.

Torres e ka quajtur këtë investim të SHBA-së si votë besimi për të ardhmen e Kosovës.

“Urime Kosovës për sigurimin e një granti prej 202 milionë dollarësh nga MCC-ja, themeluar nga Kongresi. Investimi amerikan është një votë besimi për të ardhmen e Kosovës si një demokraci e pavarur dhe e gjallë”, ka shkruar Torres në Twitter.

Congratulations to Kosovo for securing a $202 million grant from @MCCgov, established by Congress.

The American investment is a vote of confidence in the future of Kosovo as an independent and vibrant democracy. https://t.co/nnoKaO7D1P

— Ritchie Torres (@RitchieTorres) July 28, 2022

Të enjten është ratifikuar marrëveshja për energjinë me MCC-në edhe në Kuvend.

Marrëveshja është nënshkruar të mërkurën nga Qeveria e Kosovës me Korporatën Sfidat e Mijëvjeçarit (MCC), në Kongresin Amerikan.

Marrëveshja në vlerë të përgjithshme prej 236.7 milionë dollarësh, përqendrohet në projekte të energjisë.