Ndonëse me vonesë, Shërbimi Spitalor Klinik Universitar ka rihapur konkursin për më shumë se 200 specialistë të papunë, raporton KTV.

Këtë të mërkurë këta punëtorë shëndetësorë i janë nënshtruar testit për punë për kontrata të përhershme.

Ky konkurs është shpallur edhe për spitalet e tjera në vend.

Nga sindikata, thonë se qëllimi i tyre është që të mos lejojnë që asnjë doktor të mos mbetet i papunë, ndonëse patën kritika për vonesa të rihapjes së konkursit.

Kohë më parë këta specialistë kishin protestuar pasi Inspektorati i Punës kishte anuluar konkursin e shpallur nga Ministria e Shëndetësisë, që, sipas tyre, është dashur të shpallet nga SHSKUK-ja.