24-vjeçari nga Kamjani i Tetovës, Benjamin Ferati është përcjellë dje për në banesën e fundit. Varrimi i tij u bë në varrezat e fshatit Kamjan.

I riu do të kujtohet si hero që dha jetën duke tentuar të shpëtojë dy vajza, edhe pse nuk mundi ta bëjë dot, dallgët ishin më të forta se ai.

Një numër i madh qytetarësh i dhanë lamtumirën e fundit, ndërsa lajmi për aktin e tij vazhdon të jetë në qendër të vëmendjes në mediat shqiptare, boshnjake dhe në të gjitha rrjetet sociale.