Një kërkesë për ndalimin e procesit të dhënies së lejes për objektin fetar në lagjen Dardania, drejtuar Bashkësisë Islame të Kosovës, Komunës së Prishtinës dhe Këshilltarëve të Kuvendit Komunal në Prishtinë, tani ka dalë edhe online.

Ky peticion fillimisht është nënshkruar nga 30 persona, pasi sipas tyre, xhamia e cila pritet të ndërtohet nuk është në harmoni me objektet e zonës dhe se objekti nuk është në përputhje me kriteret e konkursit.

Lexo edhe: Peticion në BIK e Komunë për të ndalur ndërtimin e xhamisë në Dardani

Këtë peticion, Bashkësia Islame e ka quajtur të kotë dhe ka thënë se projekti për ndërtimin e xhamisë është votuar nga qytetarët, ndërkaq, Komuna e Prishtinës ende nuk ka dhënë një përgjigje rreth kësaj çështje.

Lexo edhe: Bashkësia Islame e quan të kotë peticionin kundër ndërtimit të xhamisë në Dardani

Siç mund të shihet në këtë peticion online, janë 140 persona që e kanë nënshkruar deri tani.