Arbëri

Tre të vdekur nga COVID-19 të martën në Kosovë

Tre persona kanë vdekur si pasojë e COVID-19 gjatë 24 orëve të fundit, ka bërë të ditur Ministria e Shëndetësisë në raportin e të martës.

Sipas njoftimit, janë regjistruar edhe 41 raste të reja, nga testimi i 940 të dyshuarve për koronavirus.

Numri i rasteve aktive në nivel vendi është 641.

Gjatë 24 orëve të fundit janë imunizuar 384 persona me vaksinën anti-COVID.

Me dozë të dytë deri tani janë vaksinuar 819.455 qytetarë, ndërkaq me dozë të tretë dhe përforcuese, 99.342.

Numri i vaksinave të administruara që nga fillimi i këtij procesi, gati një vit më parë, është 1.820.008.