Asociacioni i Gazetarëve të Kosovës e ka pranuar me shqetësim informatën se kolegu Fatmir Lama është kërcënuar me vdekje, thotë kumtesa nga AGK, transmeton koha.net.
AGK e konsideron të papranueshëm kërcënimin duke kërkuar njëkohësisht trajtimin të shpejtë të këtij rasti nga organet e drejtësisë.
Kolegu Lama e ka njoftuar AGK-në për rastin duke thënë se ai është kërcënuar menjëherë pas publikimit të dokumentarit “Rrëfime për Kosovën”.
Lama ka njoftuar se e ka denoncuar rastin në polici e Asociacioni i Gazetarëve të Kosovës do të vëzhgojë me kujdes procedimin e mëtejmë të këtij rasti.
-
2 mars 2017 13:52
-
Shpërndaje në: