Arbëri

Një i vdekur e 119 raste të reja me COVID-19 të shtunën

Një person ka vdekur si pasojë e COVID-19, gjatë 24 orëve të fundit në Kosovë.

Sipas njoftimit të Ministrisë së Shëndetësisë, janë regjistruar edhe 119 raste të reja, nga testimi i 1,818 të dyshuarve për koronavirus.

Ndërkohë, numri i rasteve aktive është 2,381.

Gjatë 24 orëve të fundit, në Kosovë janë vaksinuar 762 persona. Deri më tani me dozë të dytë janë vaksinuar 815,521 persona, me dozë të tretë dhe përforcuese janë vaksinuar 97,261 persona.

Numri i dozave të administruara në Kosovë është 1,812,244.