Arbëri

Komision miraton në parim Projektligjin për turizëm

Komisioni për Ekonomi, Industri, Ndërmarrësi dhe Tregti në mbledhjen e sotme miratoi në parim Projektligjin për turizëm.

Këtë projektligj e ka arsyetuar ministrja e Industrisë, Ndërmarrësisë dhe Tregtisë, Rozeta Hajdari, e cila theksoi se Projektligji në fjalë është me rëndësi të veçantë dhe me interes kombëtar.

Po ashtu ministrja Hajdari ka arsyetuar para Komisionit edhe Projektligjin për markat tregtare.

Komisioni me unanimitet miratoi në parim këtë projektligj.

Komisioni në parim miratoi edhe Projektligjin për mbrojtjen e sekreteve tregtare.

Komisioni pritet gjatë kësaj mbledhje ta shqyrtojë edhe planin e performances së Agjencisë Kosovare të Privatizimit për vitin 2022./KSP/