Arbëri

Një i vdekur dhe 720 raste me COVID-19 sot në Kosovë

Një person ka vdekur gjatë 24 orëve të fundit në Kosovë, si pasojë e COVID-19, ka bërë të ditur Ministria e Shëndetësisë.

Sipas njoftimit, në 24 orët e fundit janë regjistruar edhe 720 raste të reja, nga 4,785 të testuar nën dyshimin se janë prekur me koronavirus.

Numri i rasteve aktive ndërkohë, ka shkuar në 5,678.

Sa i përket vaksinimit, gjatë 24 orëve të fundit, në tërë Kosovën janë vaksinuar 5,478 persona. Me dy dozat deri tani janë të vaksinuar 797,226, me tri doza janë 2,182 ndërkaq me doza përforcuese janë 36,925 persona.

Numri i dozave të administruara që nga fillimi i pandemisë është 1,722,864.