Situata në pikat kufitare në gjithë Kosovën paraqitet e qetë dhe pa radhë pritjeje.

Sipas të dhënave të Ministrisë së Punëve të Brendshme në asnjërën prej 13 pikëkalimeve kufitare pritjet nuk shkojnë më shumë se 5 minuta, si në hyrje ashtu edhe në dalje.

Bashkatdhetarët të cilët zgjedhin vendlindjen për të kaluar festat e fundvitit i thanë KosovaPress-it se pritjet më të mëdha janë në kufirin Hungari-Serbi.

Po ashtu, me të hyrë në Kosovë, sipas vendimit qeveritar, duhet të paraqiten edhe dëshmitë e vaksinimit kundër COVID.