Kryeministri i Kosovës, Albin Kurti, ka shprehur ngushëllimet për familjarët dhe miqtë e të vdekurve nga tornado në Kentucky të Shteteve të Bashkuara të Amerikës.
“Lajm tronditës nga SHBA. Ngushëllimet tona për familjen dhe miqtë e mbi 100 jetëve të humbura në tornadot e Kentuckyt dhe falënderimet më të sinqerta për reaguesit e parë që e vunë veten në rrezik”, ka shkruar Kurti në Twitter.
Përveç kryeministrit, mbrëmë reagoi edhe kryeparlamentari Glauk Konjufca, që shprehu ngushëllime për jetët e humbura nga tornado në SHBA.
Dhjetëra persona rezultojnë të zhdukur dhe qytete të tëra janë shkatërruar nga afro 30 tornado që goditën të premten SHBA-në. Presidenti Joe Biden ka shpallur gjendje katastrofe në Kentucky, që është shteti më i prekur nga tornadot.
Heartbreaking news out of the USA. Our condolences to the family and friends of the over 100 lives lost in the Kentucky tornadoes and sincerest thanks to the first responders who put themselves in harm's way.
— Albin Kurti (@albinkurti) December 12, 2021
-
12 dhjetor 2021 11:57
-
Shpërndaje në: