Arbëri

Sot dhe nesër, mot me diell dhe pjesërisht i vranët

Instituti Hidrometeorologjik i Kosovës njofton se sot dhe nesër në Kosovë do të mbajë mot me diell dhe pjesërisht i vranët.

Sipas IHK-së, për shkak të kthjellimeve gjatë natës dhe temperaturave të ulëta në orët e para të mëngjesit parashihen ngrica të cilat paraqesin rrezik për drejtuesit e automjeteve, por edhe për këmbësorë.

Minimalet do të lëvizin ndërmjet -5 deri -2 gradë Celsius, ndërsa maksimalet e ditës parashihen të lëvizin ndërmjet 6 e 11 gradë Celsius.

“Do të fryjë erë e lehtë deri mesatare nga drejtimi i jugperëndimit dhe verilindjes”, thuhet në njoftim.