Arbëri

AAK-ja i kërkon llogari Kurtit për rritjen e çmimeve

Shefi i Grupit Parlamentar të AAK-së, Besnik Tahiri, ka thënë se GP i AAK-së ka kërkuar një seancë në raport me një ndër temat më të rëndësishme për rritjen e çmimeve,

Ai ka thënë se presin që Kryesia të adresojë sa më shpejtë një kërkesë të tillë.

“Rritja e çmimeve të konsumit të çdo niveli është një trend shqetësues dhe problem serioz që duhet të adresohet në formë strukturore. Shqetësuese është edhe qasja e Qeverisë Kurti për shkak se veprimet i kanë të vonshme. Arsyetimit që i ka dhënë Kurti, janë argumente që ne i dimë tash e 20 vjet. Ajo që Kurti duhet të jep përgjigje është se sa ishte në opozitë deklaronte që do të kujdeset për çdo cent në sektorin privat. A është Albin Kurti i tanishmi që thoshte Qeveria nuk i rrit çmimet”, ka thënë ia.

Tahiri ka thënë se çështja e dytë ka të bëjë me një shtet dhe një shoqëri që kur ballafaqohet me një krizë, çështja e parë që duhet të veprojë një qeveri është ta diskutojë çështjen e pagave.

Sipas tij, masat që janë marrë janë afatshkurte dhe po merren në një proces zgjedhor.

“Kjo nuk po e adreson çështjen kryesore që ka të bëjë më çështjen e pagave. Pse nuk po e sjell çështjen e pagave. Rrogat në sektorin publik janë 200 deri në 350 euro. Kërkesa jonë është që Ligji i pagave të vij sa më shpejtë. E shohim shumë të papërgjegjshme dhe të pandershme që në fushatë zgjedhore të luhet me vendime të tilla siç është ndihma prej 100 euro edhe pse si e tillë është afatshkurte”, ka thënë ai.

Kryeministri Albin Kurti ka premtuar ndihmë për qytetarët për shkak të rritjes së çmimeve. Ai tutje u ka bërë thirrje atyre që të mos bien pre e deklaratave, që sipas tij, e lënë fajtore Qeverinë për rritjen e çmimeve në treg. Ai ka thënë se të tilla deklarata kanë për qëllim të nxisin panik te qytetarët.