Arbëri

Katër të vdekur nga COVID-19 të dielën në Kosovë

Ministria e Shëndetësisë ka bërë të ditur se katër persona kanë vdekur si pasojë e COVID-19 në Kosovë, gjatë 24 orëve të fundit.

Sipas Ministrisë, janë shënuar edhe 12 raste pozitive, nga testimi i 2,481 të dyshuarve për koronavirus.

Gjatë 24 orëve të fundit ndërkohë janë shëruar 77 persona.

Numri i rasteve aktive në nivel vendi është 1,157.

Gjatë 24 orëve të fundit janë vaksinuar 14,901 persona. Numri i të vaksinuarve me dozën e dytë në Kosovë është 623,183.

Numri i dozave të administruara që nga fillimi i procesit të vaksinimit është 1,447,040.