Arbëri

Gjashtë të vdekur nga koronavirusi në Shqipëri të shtunën

Gjashtë persona kanë vdekur nga koronavirusi në Shqipëri të shtunën, derisa nga 3.244 testime, 475 persona kanë rezultuar pozitivë.

Sipas Ministrisë së Shëndetësisë gjatë 24 orëve të fundit janë shëruar 657 pacientë, duke çuar numrin e të shëruarve në 164.524.

Që nga fillimi i pandemisë në Shqipëri janë regjistruar 2.759 persona të vdekur. Numri i rasteve aktive është 7.360.