Arbëri

KGJK paralajmëron masa ndaj zyrtarëve përgjegjës për rastin e të dyshuarve për vrasjen në Ferizaj

Këshilli Gjyqësor i Kosovës (KGjK) ka paralajmëruar masa ndëshkuese ndaj zyrtarëve përgjegjës lidhur me rastet e A.S. dhe D.K. që janë arrestuar si të dyshuar për vrasjen e 18-vjeçares Marigona Osmani në Ferizaj.

“Këshilli Gjyqësor i Kosovës njofton opinionin publik se ka pranuar njoftimin e Gjykatës Themelore në Ferizaj lidhur me rastet e A.S. dhe D.K. dhe ka mbledhur të dhëna të tjera nga Sistemi elektronik i Evidencës Penale. Pas pranimit të këtyre të dhënave, KGjK thotë se në konsultim me anëtarët e Këshillit, i ka vlerësuar dhe analizuar këto të dhëna, me ç’rast ka dërguar kërkesë tek autoriteti kompetent për të shqyrtuar neglizhencën eventuale lidhur me shqyrtimin e këtij rasti nga gjykata dhe gjyqtarët përkatës. Lidhur me këtë çështje, në rast se konstatohet neglizhencë nga ana e gjykatës përkatëse, atëherë autoriteti kompetent duhet të iniciojë procedurë disiplinore. KGjK, zotohet se do t’i ndërmerr të gjitha masat e nevojshme për të adresuar dhe trajtuar deri në fund çështjen në fjalë dhe në rast se konstatohet se ka lëshime apo neglizhencë, atëherë do të ndërmerren masa ndaj të gjithë zyrtarëve përgjegjës sipas procedurës disiplinore përkatëse”, thuhet nga KGJK. /KSP