Arbëri

Selimi përjashton çfarëdo bashkëpunimi me PDK-në

Rexhep Selimi në Interaktiv ka thënë se për Vetëvendosjen përjashtohet me çdo kusht bashkëpunimi me PDK-në, pasi “ata janë shkaktarë për zhvillimet e këqija në vend”.

Gjithashtu thotë se asnjë subjekt tjetër nuk duhet të bashkëpunojë as me Listën Serbe. Po ashtu ka deklaruar se asnjë koalicion nuk duhet të mbetet në varësi prej kësaj liste.

Selimi thotë se VV është e hapur për bashkëpunim me AAK-në e Nismën, por jashtë PAN-it. Selimi ka thënë se për të bashkëpunuar me LVV, ata duhet të shkëputen plotësisht nga PDK-ja.

“Për sa i përket AAK dhe Nismës, varet nëse ata vazhdojnë me PDK apo shkëputen nga ata”, ka shtuar ai.