Arbëri

Vitia e rikthen Naim Bardiqin në pozitën e Sekretarit në MSH-së

Ministri i ri i Shëndetësisë, Arben Vitia, e ka rikthyer në pozitën e Sekretarit të Përgjithshëm të MSH-së, Naim Bardiqin, i cili ishte shkarkuar nga ish-ministri Armend Zemaj.

Në ditën e parë të tij të punës, Vitia, ka shfuqizuar vendimin e Zemajt për shkarkimin e Bardiqit dhe e ka kthyer atë në pozitën e Sekretarit të Përgjithshëm të MSH-së. Po ashtu është shfuqizuar edhe vendimi i Zemajt, me të cilin e kishte caktuar Ardian Mehmetajn si ud të Sekretarit të Përgjithshëm në MSH.

Në arsyetimin e këtij vendimi, thuhet se që nga vendimi i Zemajt më 10 korrik, kur është pezulluar Naim Bardiqi pa pagesë, nuk është iniciuar, nuk është zhvilluar dhe nuk është përfunduar procedura disiplinore ndaj tij. E thuhet se sipas Ligjit për Shërbimin Civil dhe Rregullores për Pozitat e Larta Drejtuese në Shërbimin Civil, përcaktohet qartë se procedura në komisionin disiplinor duhet të përfundojë brenda afatit prej 60 ditëve nga pranimi i rastit.

Image