Fondi Rajonal i Sfidës shpalli thirrjen e parë për mbështetje të investimeve në trajnimet profesionale të ndërthurura në 6 vendet e Ballkanit Perëndimor

Podgoricë/Beograd/Sarajevë/Shkup/Tiranë/Prishtinë, 3 Shkurt 2021 – Fondi Rajonal I Sfidës (FRS) shpalli thirrjen e parë rajonale në mbështetje të investimeve në trajnimet e ndërthurura për aplikime që variojnë nga €150,000 në €600,000 me një total prej € 18.8 milionë. Shpallja e thirrjeve për aplikime në këtë projekt të jashtëzakonshëm rajonal u bë me pjesëmarrjen e përfaqësuesve të nismave dhe organizatave ndërkombëtare dhe rajonale, institucione publike të arsimit dhe trajnimeve, dhomave të tregtisë, ofruesve të trajnimeve profesionale dhe kompanive të ndryshme.

Qëllimi i këtij projekti të FRS-së është të përforcojë cilësinë dhe rëndësinë e arsimit dhe trajnimit profesional në tregun e punës, duke financuar investimet në infrastrukturë dhe pajisje për projekte të përzgjedhura e të ndërthurura, të cilat zbatohen nëpërmjet partneriteteve mes institucioneve që ofrojnë trajnime profesionale dhe kompanive.

„Mbështetja që Fondi Rajonal I Sfidës të Bankës Gjermane për Zhvillim (KfW) i jep Ballkanit Perëndimor, nëpërmjet inkurajimit të partneritetit mes institucioneve arsimore- shkollave të mesme, fakulteteve dhe kompanive, përbën mënyrën më të mirë për të ndihmuar rimëkëmbjen, rritjen dhe aspektin konkurues të ekonomive tona. Falë zhvillimit të arsimimit profesional në shkollat përkatëse ne mund të harmonizojmë sistemet arsimore me nevojat e ekonomive përkatëse por edhe të sigurojmë personelin e nevojshëm për kompanitë vendase dhe investitorët e huaj që operojnë në këto vende, por edhe ata që synojnë të investojnë në rajon,” tha në fjalën e tij Marko Čadež, President i Forumit të Dhomës së Investimeve në Ballkanin Perëndimor dhe President i Dhomës së Tregtisë dhe Industrisë së Serbisë.

Gjatë eventit që u mbajt online, pjesëmarrësit diskutuan për një sërë çështjesh, përfshirë: “zgjerimin e Partneriteteve Për Trajnime Të Ndërthurura mes Institucioneve të Arsimit Profesional dhe Sipërmarrjeve në 6 vendet e Ballkanit Perëndimor.” Pjesëmarrësit shprehën mendimin e tyre mbi bashkëpunimin mes sektorit privat dhe atij të të Arsimit dhe Trajnimit Profesional, që do të rezultonte në mbështetje të mëtejshme për reformat në arsim dhe ekonomi në Ballkanin Perëndimor. Në takim u përmend fakti se sektori privat duhet të jetë më i përfshirë në bashkëpunime me institucione të trajnimit profesional.

Sipas Čadež, ky projekt i shpallur që para nisjes së pandemisë, fiton një rëndësi shumë më të madhe sot, sepse do të garantojë punësime të reja në industritë më të goditura nga COVID-19, që do të vazhdojnë të operojnë me kapacitete të pakësuara. Čadež nënvizoi faktin që dhomat e tregtisë, anëtarët e Forumit të Dhomës së Investimeve të 6 Vendeve të Ballkanit Perëndimor, si një partner në zbatimin e këtij projekti, do të bëjnë më të mirën e mundshme duke kontribuar në përfshirjen e kompanive nga industritë e një rëndësie kyçe për zhvillimin e ekonomive individuale dhe të rajonit në përgjithësi. Ai u bëri thirrje kompanive që të krijojnë partneritet me shkollat e nivelit të mesëm të ulët, shkollat e mesme profesionale dhe fakulteteve, që të aplikojnë për fonde dhe së bashku të ngrenë qendra trajnimi që do tu mundësojnë nxënësve familjarizimin me makineritë, pajisjet dhe mekanizmat me të cilat do të punojnë në një ambient të mirëfilltë pune, jo vetëm gjatë trajnimit por edhe më vonë gjatë punësimit.

Kujtojmë se shpallja për thirrje interesi është publikuar në www.rcf-wb6.org. Ajo do të jetë e hapur nga nga 1 shkurti deri në 30 prill 2021. Aplikimet janë të hapura për entitete ose grupime nga gjashtë vendet e Ballkanit Perëndimor, të cilat përbëhen nga të paktën një institut i trajnimit profesional dhe të paktën 2 ndërmarrje apo kompani të regjistruara.

Fondi Rajonal i Sfidës është një program i ri që synon të rrisë prodhimtarinë dhe aftësitë konkuruese të bizneseve në 6 vendet e Ballkanit Perëndimor. FRS i është besuar Bankës Gjermane Për Zhvillim (KfW) nga Ministria Federale e Gjermanisë për Bashkëpunimin dhe Zhvillimin. Ky program zbatohet nga Forum i Dhomës së Investimeve në 6 Vendet e Ballkanit Perëndimor (WB6-CIF), një nismë e përbashkët e dhomave të tregtisë së të gjithë rajonit.

Për çdo kërkesë të mëtejshme, jeni të lutur të kontaktoni me përfaqësuesit e autorizuar të medias:, Jelena Manić Radoičić në adresën [email protected] dhe Renato Vasili në adresën [email protected]

*Artikull i sponsorizuar 

© KOHA. Të gjitha të drejtat janë të rezervuara.