Arbëri

Andin Hoti pozitiv me COVID-19

Ish-deputeti i PDK-së, Andin Hoti, përmes një postimi në Facebook ka konfirmuar se ka rezultuar pozitiv me COVID-19.

“Sapo u njoftova nga IKSHPK se kam rezultuar pozitiv për Covid-19. Shenjat e para kanë filluar para 3 dite: Vështirësi në frymëmarrje, kollë, humbje e lehtë e shijes. Me rekomandim të institucioneve shëndetësore do të vet-izolohem deri në shërim të plotë”, ka shkruar Hoti.

Ai ka falënderuar mjekët për mundin në luftimin e COVID-19, transmeton KOHA.

“I kërkoj falje secilit nga ju që kam pasur kontakt ditëve të fundit, e që si pasojë mund të rezultojë pozitiv në të ardhmen. I shpreh mirënjohje të pa rezervë mjekëve, infermierëve, e gjithë personelit shëndetësor për mundin që po e bëjnë në luftën kundër virusit”, ka shkruar Hoti.