Arbëri

Pesë të vdekur e 123 raste të reja me COVID-19 në Shqipëri

Në Shqipëri pesë persona kanë vdekur si pasojë e COVID-19 në 24 orët e fundit, ndërsa janë regjistruar edhe 123 raste të reja.

Ministria e Shëndetësisë e Shqipërisë po ashtu ka njoftuar se gjatë 24 orët e fundit janë shëruar 57 persona.

Sipas ministrisë janë testuar 474 mostra në 24 orët e fundit, ndërsa 123 kanë rezultuar pozitive. Në total në Shqipëri 5519 persona kanë rezultuar pozitivë me COVID-19. Janë shëruar 3018 persona, ndërsa 2335 janë raste aktive.

Kanë vdekur 166 persona.