Arbëri

Nisin hetimet rreth vdekjes së 6 personave në Infektive

Policia e Kosovës ka njoftuar se është duke hetuar vdekjen e gjashtë personave në Klinikën Infektive në Prishtinë në orët e hershme të së dielës.

Të dielën është raportuar se pesë persona të infektuar me COVID-19 kanë vdekur në orët e hershme të së dielës, ndërsa ka pasur dyshime se shkaku ka qenë te në defekt në furnizim me oksigjen.

“Raportohet se në Kliniken Infektive në Prishtinë kanë vdekur gjashtë persona që të gjithë kosovar. Me vendim të prokurorit, trupat e pa jetë të viktimave dërgohen në Institutin e Mjekësisë Ligjore për Obduksion. Rasti është duke u hetuar”, është shkruar në raportin e policisë.

Ministria e Shëndetësisë nuk kishte dhënë detaje rreth rrethanave të vdekjes së pesë prej tyre. Përmes një reagimi për media, MSH-ja kishte bërë thirrje të priten rezultatet e hetimeve nga institucionet përgjegjëse.

Infektivja u rrethua nga policia, mëngjesin e së dieles. Në Ministrinë e Shëndetësisë u tha se dyshimet u ngritën pasi që vdekjet ndodhën brenda një afati të shkurtër kohor.