Franca dhe Gjermania presin që dialogu mes Kosovës dhe Serbisë të rinisë. Kështu ka bërë të ditur Ambasada e Francës përmes një postimi në Twitter.
“Franca dhe Gjermania presin që dialogu mes Kosovës dhe Serbisë të rinisë së shpejti. Së basjku me kancelaren Merkel, presidenti Macron mbetet i gatshëm ta udhëheqë Samitin në Paris”, ka shkruar ambasada.
France and Germany expect Dialogue between Kosovo and Serbia to resume soon. Together with Chancellor Merkel, President Macron remains ready to host a Summit in Paris.
— France au Kosovo (@FranceauKosovo) June 25, 2020
Ndërkaq postimin e njëjtë e ka shpërndarë ambasadori i Gjermanisë, Christian Heldt, ka thënë se të dyja qeveritë janë të gatshme të ndihmojnë takimin e propozuar në korrik.
“Ne i mbështesim fuqishëm përpjekjet e Bashkimit Evropian, me Mirosllav Lajçak, për të arritur përparim të rëndësishëm, në afat të prekshëm kohor, për zgjidhje gjithëpërfshirëse. Qeveritë tona janë të gatshme të ndihmojnë takimin e propozuar në korrik”, shkroi ambasadori Heldt në Twitter.
Important commitment to dialogue, ???? encourage keeping momentum. We fully support ?? efforts with @MiroslavLajcak to achieve substantial progress in tangible time frame for comprehensive settlement. Our governments stand ready to be helpful with proposed meeting in July. https://t.co/Lv29LPzmZP
— Ambassador Christian Heldt (@GermanAmbKOS) June 25, 2020
Mirëpo të dyja ambasadat nuk e kanë komentuar aktakuzën e Gjykatës Speciale ndaj presidentit të Kosovës Hashim Thaçi dhe kreut të PDK-së, Kadri Veseli.
Ndërkaq takimi i cili pritej të mbahej në Washington, i thirrur nga emisari i SHBA-së për dialogun, Richard Grenell, është anuluar. Fillimisht pjesëmarrjen e tij e kishe anuluar Thaçi të mërkurën, pastaj të enjten edhe kryeministri Avdullah Hoti.
-
25 qershor 2020 18:48
-
Shpërndaje në: