Ministri i turizmit dhe mjedisit Bledi Klosi, në një intervistë televizive, ka prezantuar planin e veprimit për shpëtimin e turizmit në Shqipëri, pasi për shkak të pandemisë së koronavirusit dhe masave kufizuese për të kufizuar përhapjen e saj, pritet të ketë një rënie të madhe të turistëve.
‘’Ka shumë arsye pse turizmi i Shqipërisë mund të shpëtohet në verën e vitit 2020’’ ka thënë Klosi.
Rreth 80% e turistëve vijnë në Shqipëri me transport rrugor. Një tjetër avantazh ndaj vendeve të tjera periferike është numri i madh i hoteleve të vogla. Greqia është duke konsideruar ndalimin e hoteleve të mëdha këtë verë, sepse janë shumë të vështira për t’u menaxhuar. Hotelet e vogla janë të menaxhueshme.
‘’Shqipëria është një shembull pozitiv sa i përket përgjigjes së saj të shpejtë ndaj situatës Covid-19’’, tha Klosi, raporton Balkaneu, transmeton Koha.
Siç vuri në dukje ministri, nëse hapen plazhet, praktikat e distancimit shoqëror dhe masat e tjera të rrepta që vlejnë për t’u marrë me përhapjen e koronavirusit do të vazhdojnë të zbatohen.
‘’Në bashkëpunim me Ministrinë e Shëndetësisë kemi arritur një numër rregullash që ndihmojnë në përmbajtjen e virusit, siç janë rregullat e higjienës, distanca mes çadrave në hotele etj. Ne hartuam modelet e Italisë, Kroacisë dhe Turqisë’’, theksoi Klosi.
-
15 prill 2020 14:08
-
Shpërndaje në: