Arbëri

Nesër pasdite parashihet të bien temperaturat në Kosovë

Foto: Moti / KOHA

Instituti Hidrometeorologjik i Kosovës, ka njoftuar se pjesa e parë e ditës së nesërme do të shoqërohet me mot kryesisht me diell, por duke filluar nga pasditja, kryesisht orët e vona të ditës do të kushtëzojnë mot të ndryshueshëm, me riga lokale shiu të shoqëruara me borë dhe me rënie të temperaturave në të dy vlerat ekstreme.

Sipas IHMK-së, reshjet do të fillojnë më herët në rrafshin e Dukagjinit dhe intensiteti i tyre do të jetë më lartë se në rrafshin e Kosovës.

“Minimalet do të lëvizin ndërmjet 0-1 gradë ndërsa maksimalet parashihen të lëvizin ndërmjet 8-11 gradë Celsius. Do të fryjë erë kryesisht nga verilindja me shpejtësi 1-8 m/s”, thuhet në komunikatë.