Deputetët e Kuvendit të Kosovës janë duke u testuar në hyrje të Kuvendit.

Secilit deputetë po i bëhet kontrolli i temperaturës para se të hyjë në sallën e seancave.

Në hyrje të Kuvendit secili u obligua që të dezinfektojë duart, raporton KOHA.

Pak prej tyre kanë vendosur maska apo doreza të cilat janë paraparë si masa mbrojtëse nga koronavirusi.

Kuvendi i Kosovës sot mban seancë të jashtëzakonshme me rend dite: Shqyrtimi i parë i Projektligjit mbi ndarjet buxhetore për Buxhetin e Republikës së Kosovës për vitin 2020.