Kryeparlamentarja Vjosa Osmani deklaroi se do të vazhdojnë të kenë takime me partnerin e koalicionit për t'u dakorduar për çështjen e heqjes së tarifës.

Ajo nuk tregon detaje për takimin e së premtes, ku Isa Mustafa e Albin Kuri, u takuan për disa orë në objektin e qeverisë për të diskutuar rreth kësaj çështje.

"Jemi takuar të premten, do të takohemi prapë ditëve në vijim. Nga e hëna do të mund të flasim më në detaje për këtë çështje", tha ajo.

Për këtë është pyetur nga KosovaPress edhe kryeministri, Albin Kurti, i cili ka refuzuar të flasë sot për çështjen e tarifës. Të dy këta kanë marrë pjesë në shënimin e ditës ndërkombëtare të personave që përdorin karroca.

Derisa Kurti ka dhënë një propozim për heqjen e tarifës, Mustafa sot ka thënë se taksa duhet të hiqet ashtu siç po e kërkon SHBA.