Vendimet e fundit të Qeverisë për shkarkime në disa borde ndërmarrjesh, trajtohen gjerësisht në numrin e veçantë të së dielës në Koha Ditore.
Detaje për shkarkimin e zyrtarëve që vlerësohet se pameritë dhe falë lidhjeve politike kanë fituar pozitat publike, shpalosen në shkrimin kryesor me titull “(Ç)kapja e shtetit”.
Aty mund të kuptoni se cilat janë dy vendimet e Qeverisë Kurti, që vlerësohet se kanë ngjallur frikën për rikapje të shtetit.
Për rëndësinë e depolitizimit të institucioneve përmes procesit të vetingut flet në intervistë Betim Musliu, hulumtues në Institutin e Kosovës për Drejtësi.
Reportazhi këtë javë sjellë rrëfimet e ish të burgosurve politik në burgun e Gurrakocit, të cilët kthehen në liri në vendin ku u keqtrajtuan nga pushteti serb.
Kërkimi i autoriteteve kineze për të gjetur personin e parë që u infektua me virusin korona, e gjeni në faqet e botës.
Luan Çukani vjen në monument, ku shpalos zanatin e poçarit të trashëguar ndër tre breza.
Për lidhjen e veçantë me muzikën të sopranos franceze Amelie de Broissia, mund të lexoni në rubrikën e kulturës.
Cilat ishin ndryshimet radikale brenda familjeve shqiptare gjatë viteve të 70’ta? Përgjigjen e gjeni në fejton.
Se si trajneri kondicional italian Corrado Saccone arriti ta njoh Kosovën përmes Valon Behramit, e kuptoni në faqet e dedikuara për sportin.
Ndërsa, si zakonisht, as këtë javë nuk mungojnë artikuj të tjerë të veçantë nga vendi dhe bota.
-
1 mars 2020 00:00
-
Shpërndaje në: