Arbëri

Kurti zyrtarisht merr mandatin e kryeministrit të Kosovës

Kurti zyrtarisht merr mandatin e kryeministrit të Kosovës
Foto: Alban Bujari/KOHA
11:07

Kurti zyrtarisht merr mandatin e kryeministrit të Kosovës

Albin Kurti ka pranuar zyrtarisht detyrën e kryeministrit të Kosovës.

Pranim-dorëzimi u bë nga Behgjet Pacolli në mungesë të Ramush Haradinajt, ish-kryeministrit.

Pacolli gjatë fjalimit me Kurtin, tha se “Kosovën e presin sfida të mëdha”.

“Personalisht, s’do të kursehem për asgjë gjatë këtij mandati. Ju dëshiroj rrugëtim të mbarë, mbi të gjitha shëndetin”, u shpreh ai, raporton Koha.net.

Kurti, falënderoi Pacollin dhe tha se “do të punojë shumë për Kosovën”.

08:15

Kurti sot merr mandatin, pritet mbledhja e kabinetit të ri qeveritar

Kryeministri i zgjedhur i Kosovë, Albin Kurti sot do ta pranojë edhe solemnisht detyrën e shefit të ekzekutivit. Ai njoftoi se këtë post do ta marrë sot në orën 11:00.

Në zyrën e kryeministrit, në mungesë të ish-kryeministrit Ramush Haradinaj i cili gjendet në Shtetet e Bashkuara do të jetë ish-zëvendëskryeministri i parë, Behgjet Pacolli ai që do t’ia kalojë detyrën Albin Kurtit.

Pas kësaj, Kurti pritet të thërrasë në një mbledhje ceremoniale edhe qeverinë e tij të re.

Kurti është zgjedhur kryeministër një ditë më parë nga Kuvendi i Kosovës. Në kabinetin e tij, ai do të këtë 2 zëvendëskryeministra dhe 15 ministra.